XHELOZIA

Sa herë kam dëgjuar fjali të tilla si “xhelozia është shumë e përhapur ndër shqiptarë” apo “xhelozia është tipike për shqiptarët”! Këto mbase dhe janë të vërteta, por janë të vërteta për shqiptarët, po aq sa edhe për të gjithë popujt e tjerë.

Disa thonë se xhelozia është sëmundje, veti e njerëzve të ligj, shprehje e një karakteri të ulët dhe shumë e shumë të tjera.

Moralizime të kota! Të gjithë jemi të njëjtë.
Njeriu është xheloz në gjithçka, duke filluar nga dashuria e deri te suksesi i tjetrit. Kjo e bën atë të vuajë në një ankth të pafund.

A e di pse?
Dyshimi i vazhdueshëm, që është motori kryesor i xhelozisë,nëse kthehet në filozofi të jetës, është ftesë për vuajtje.

Në shprehjen e xhelozisë së tyre, meshkujt janë brutalë, një mllef që mblidhet dhe shpërthen në një shfryrje të egër dhe herë-herë edhe të përgjakshme. Ndërkaq, femrat janë më dinake dhe këmbëngulëse; ajo në vazhdimësi, si një qukapik, i troket mashkullit në kokë dhe nuk heq dorë nga qëllimi i saj.
Mendoj se xhelozia nuk është gjë tjetër veç shprehje e mungesave tona.

***

Kështu thotë Zonja ime Z (fq,147 e librit), ajo nuk distancohet nga problemi, por synon që ta kuptojë atë, gjithnjë në kontekstin tonë shqiptar.

Ti si e mendon?